Azərbaycan, Bakı, 09 fevral / Trend /
İranın Usluviyyə şəhərində Pars energetika rayonunda neft-kimya məhsullarının ixracı üzrə ixtisaslaşmış ən böyük liman istismara verilib. Limanın açılış mərasimində İranın vitse-prezidenti Məhəmmədrza Rəhimi iştirak edib. Məlumatı İranın telekanalının rəsmi saytı "iribnews" yayıb.
Liman ildə 35 milyon ton neft-kimya məhsulları yükləmə gücünə malikdir. Limana 864 milyon dollar vəsait yatırılıb. Limanın yanalma körpüsü eyni zamanda 4 mindən 100 min tona qədər neft-kimya məhsulu dedveyti ilə 15 gəmini qəbul edə bilər.