Azərbaycan, Bakı, 11 fevral / Trend , müxbir E.İsmayılov/
ARDNŞ (Azərbaycan Dövlət Neft Şirkəti) yanvarda Gürcüstan bazarında təxminən 25 min ton neft məhsulu satıb. Bu barədə ARDNŞ-in Gürcüstandakı törəmə şirkəti olan SOCAR Energy Georgia şirkətindəki mənbə bildirib.
Mənbənin sözlərinə görə, yanvarda Gürcüstan bazarında 10,5 min tondan çox avtomobil benzini, 14,3 min tona yaxın dizel yanacağı satılıb.
"Digər neft məhsulu növləri ötən ay Gürcüstan bazarında satılmayıb", - mənbə qeyd edib.
Mənbənin əvvəlcə bildirdiyi kimi, 2010-cu ildə ARDNŞ Gürcüstan bazarına 2009-cu ildəki 406 min tona nisbətdə 415 min ton neft məhsulu satmağı planlaşdırır.
Azərbaycanda neft məhsulları ümumi gücü ildə 20 milyon ton neft təşkil edən iki NEZ bazasında istehsal edilir. Hər iki zavod quru və dəniz yataqlarında öz vəsaiti hesabına hasil edilən ildə təxminən 6-7 milyon ton nefti emal edən ARDNŞ-nin tərkibinə daxildir.
Ötən il Bakı NEZ-də 6,03 milyon ton neft məhsulları emal edilib. 2008-ci ildə bu göstərici 7,35 milyon ton olub. ARDNŞ prezidenti Rövnəq Abdullayev daha əvvəl demişdi ki, 2010-cu ildə şirkət 6,6 milyon tona yaxın neft emal etməyi planlaşdırır. Bu ilin yanvarında NEZ 563,25 min ton neft emal edib, bu göstərici 2009-cu ilin analoji dövründə 580,75 min ton təşkil edib.
