Azərbaycan, Bakı, 12 fevral / Trend , müxbir E.İsmayılov/
Hazırda ARDNŞ tərəfindən (Azərbaycan Dövlət Neft Şirkəti) Azərbaycan qazının ixracının həcmi 4,6 milyon kubmetr təşkil edir. Bu barədə "Azeriqaz" İB sədrinin birinci müavini Nazim Səmədzadə cümə günü mətbuat konfransında bildirib.
Onun sözlərinə əsasən, ARDNŞ qaz ixracının ümumi həcminin 1,9 milyon kubmetri Gürcüstanın, 1,5 milyon kubmetri Rusiyanın, 1,2-1,3 milyon kubmetri İranın payına düşür.
ARDNŞ-in qaz kəmərləri vasitəsi ilə sutkalıq qaz nəqlinin ümumi həcmi 48,7 milyon kubmetr təşkil edir.
Azərbaycanda birgə sutkalıq qaz istehlakı həcmi 24,7 milyon kubmetr təşkil edir ki, bu da ötən ilin göstəricisindən 15 faiz və ya 3,5 milyon kubmetr çoxdur.
