Azərbaycan, Bakı, 1 mart / Trend , müxbir E.İsmayılov/
2011-ci ildə ARDNŞ (Azərbaycan Respublikası Dövlət Neft Şirkəti) Azərbaycanın qaz emalı zavodunun istehsal gücünün artırılması üzrə işə başlamağı planlaşdırır. Bu barədə şirkətdən məlumat verilib.
"Artıq ARDNŞ-nin elmi-tədqiqat layihə institutuna layihə üzrə tapşırıqlar vermişik. İlin sonunadək layihə işləri başa çatdırılacaq. Bundan sonra yenidənqurma işləri başlayacaq", -ARDNŞ-nin nümayəndəsi bildirib. Layihənin təqdimatından sonra lazımi avadanlıq alınacaq.
Onun sözlərinə görə, yenidənqurma əsasən zavodun istehsal gücünün artırılmasına yönəlib. Hazırda zavodun illik emal gücü 6,5 milyard kubmetr qaz təşkil edir. Zavodun gücünün artırılmasının yenidənqurma və avadanlığın modernləşdirilməsi üzrə işlərin hesabına həyata keçirilməsi planlaşdırılır. Zavodun gücünün artırılmasının əsas avadanlığın saxlanması ilə həyata keçirilməsi planlaşdırılır.
Həmçinin zavodun yenidən qurulması üzrə layihəyə soyuducu sistemin yenilənməsi üzrə işlər də daxildir ki, bu da emal prosesinin yaxşılaşdırılmasına xidmət edəcək. Bu məqsədlə zavodda propanla soyutma üçün avadanlığın quraşdırılması planlaşdırılır. Bu, dəniz suyunun soyudulması zamanı istifadənin maksimum azaldılmasına imkan verəcək ki, bu da elektrik enerjisi istehlakını azaldacaq.
Şirkətdən bildirilib ki, zavodda yenidənqurma işlərinə gələn il başlanması planlaşdırılır. Bu proses 7-8 ay davam edə bilər.
Yenidənqurma işləri istehsalat prosesinə təsir göstərəcək. Çünki hazırda zavodun gücü 6,5 milyard kubmetr təşkil edir. Ötən il zavodda dörd milyard kubmetr emal edilib. Zavodun hələ də istifadə olunmayan gücü qalır. Odur ki, qurğularda yenidənqurma növbəli şəkildə aparılacaq.
