Azərbaycan, Bakı, 18 mart / Trend /
Yanvar ayı ərzində Azərbaycanın quru və dəniz yataqlarında əməliyyatlar aparmaq məqsədi ilə 2009-cu ilin analoji dövr göstəricisindən 15,4 faiz az olmaqla, 11,12 min ton müxtəlif metal borular idxal edilib.
Dövlət Statistika Komitəsindən bildirildiyi kimi, göstərilmiş dövr ərzində boru idxalının dəyəri 2009-cu ilin analoji dövr göstəricisindən 73,1 faiz az olmaqla, 11 milyon dollar təşkil edib.
Dəniz və quru yataqlarında əməliyyatlar ARDNŞ (Azərbaycan Respublikası Dövlət Neft Şirkəti) tərəfindən aparılır. Şirkət Azərbaycan "Azəri-Çıraq-Günəşli" və "Şahdəniz" yataqlarının işlənməsi layihəsi çərçivəsində həm sərbəst, həm də xarici şirkətlərlə birlikdə işlər aparır.
Azərbaycanda 59 neft-qaz yatağı var, bunlardan 18-i dənizdə, qalanları isə quruda yerləşir.