PremiumAİ-nin 27 ölkəsində Euro-super 95 markalı avtomobil benzininin qiymətinin icmalı (22-29 mart)

Azərbaycan, Bakı, 31 mart / Trend , müxbir A.Bədəlova/

Ötən həftə ərzində (22-29 mart) Avropanın 27 ölkəsində Euro-super 95 markalı benzinin orta qiyməti min litrə 1295 avro (ƏDV daxil) təşkil edib ki, bu da bundan əvvəlki həftənin orta qiymətindən min litrə 16 avro çoxdur. Benzinin qiymətinə dair statistik məlumatlar Avropa Komissiyasının rəsmi saytında öz əksini tapıb.

Ötən həftə ərzində Avropa ölkələri arasında Euro-super 95 markalı benzinin ən yüksək qiyməti Niderlandda müşahidə olunub. Ötən həftənin yekunlarına görə, bu ölkədə həmin markalı benzinin qiyməti 10 avro artaraq min litrə 1507 avro təşkil edib.

Bu markalı benzinin ən aşağı orta qiyməti Kiprdə müşahidə olunub. Bu ölkədə qiymət bir həftə öncə min litrə 997 avroya nisbətdə ötən həftənin yekununa görə min litrə 1010 avro təşkil edib.

Euro-super 95 markalı benzinin qiymətinin yüksəkliyinə görə ikinci yerdə duran ölkə Danimarkadır. Bu ölkədə ötən həftəyə görə həmin markalı benzinin qiyməti 11 avro artaraq, min litrə 1466 avro təşkil etib.

Ötən həftə ərzində Euro-super 95 benzininin qiymətinə görə üçüncü yeri tutan Almaniyada qiymət 62 avro artaraq min litrə 1450 avro təşkil edib

Ötən həftə ərzində Euro-super 95 markalı benzinin qiymətinə görə dördüncü yeri tutan Yunanıstanda bir həftə öncə min litrə 1428 avroya nisbətdə ötən həftənin yekununa görə min litrə 1431 avro təşkil edib.

Finlandiya ötən həftə beşinci yeri tutub. Ölkədə Euro-super 95 markalı benzinin qiyməti bir həftə öncə min litrə 1423 avro səviyyəsində olaraq ötən həftə ərzində dəyişməz qalıb.

Euro-super 95 markalı benzinin qiyməti Belçikada bir həftə öncə 1400 avroya nisbətdə ötən həftə orta qiymət min litrə 1413 avro təşkil edib.

Ötən həftə ərzində Euro-super 95 markalı benzinin qiymətinə görə yeddinci yeri tutan Portuqaliyada qiymət bir həftə öncə min litrə 1376 avroya nisbətdə ötən həftənin yekununa görə min litrə 1382 avro təşkil edib.

Ötən həftə ərzində Euro-super 95 markalı benzinin qiymətinə görə səkkizinci yeri tutan İtaliyada qiymət 1 avro artaraq min litrə 1377 avro təşkil edib.

Euro-super 95 markalı benzinin qiyməti Fransada bir həftə öncə min 1360 avroya nisbətdə ötən həftə orta qiymət min litrə 1357 avro təşkil edib.

Avropa ölkələri arasında Euro-super 95 markalı benzinin qiymətinin yüksəkliyinə görə onuncu yeri İsveç tutub. Bu ölkədə qiymət 8 avro azalaraq min litrə 1342 avro təşkil edib.

Avropanın 27 ölkəsində Euro-super 95 markalı benzinin qiymətinin (vergilər daxil olmaqla) müqayisə cədvəli: