Azərbaycan, Bakı, 16 aprel / Trend /
Yanvar-martda Bakı - Tbilisi - Ceyhan neft kəməri (BTC) ilə 8,8 milyon ton neft nəql olunub. 2009-cu ildə bu göstərici 8,7 milyon ton təşkil edib. Bu barədə Azərbaycan Dövlət Statıstika Komitəsinin məlumatında bildirilir.
Birinci yarımildə Azərbaycanın magistral neft kəmərləri ilə 11,6 milyon ton neft nəql olunub. 2009-cu ilin yanvar-mart aylarında bu göstərici 11,7 milyon ton təşkil edib.
2009-cu ildə BTC ilə 38,2 milyon ton neft nəql olunub. 2008-ci ildə bu rəqəm 32,8 milyon ton təşkil edib.
BTC boru kəmərinin ümumi uzunluğu 1768 kilometrdir ki, bunun da 443 km-i Azərbaycan, 249 km-i Gürcüstan, 1076 km-i isə Türkiyə ərazisindən keçir. Boru kəmərinin inşasına 2003-cü ilin aprelində, onun neft ilə doldurulmasına 2005-ci il mayın 18-də başlanılıb.
BTC Co-nun səhmdarları aşağıdakılardır: BP (30,1 faiz); AzBTC (25 faiz); Chevron (8,90 faiz); Statoil (8,71 faiz); ТРАО (6,53 faiz); Eni (5 faiz ); Total (5 faiz); Itochu (3,40 faiz ); Inpex (2,50 faiz); ConocoPhillips (2,50 faiz) və Amerada Hess (2,36 faiz).
Yanvar-martda Cənubi Qafqaz qaz kəməri ilə (Bakı-Tbilisi-Ərzurum) 1,3 milyard kubmetr qaz nəql olunub. Ötən ilin analoji dövründə bu göstərici 1,6 milyard kubmetr təşkil edib.
Birinci yarımildə Azərbaycanın magistral qaz kəməri ilə 4,9 milyard kubmetr qaz nəql olunub. 2009-cu ilin yanvar-mart aylarında bu göstərici 4,47 milyard kubmetr təşkil edib.
2009-cu ildə Bakı - Tbilisi - Ərzurum kəməri ilə 5,2 milyard kubmetr qaz nəql olunub. 2008-ci ildə bu göstərici 4,7 milyard kubmetr təşkil edib.
Bakı - Tbilisi - Ərzurum boru kəmərinin (Cənubi Qafqaz boru kəməri) uzunluğu 700 kilometrdən çoxdur. Nəqlin gücü ildə 20 milyard kubmetrdən çoxdur. Bu qaz kəməri ilə Xəzərin Azərbaycan sektorunda "Şahdəniz" qaz-kondensat yatağında hasil olunan qaz nəql edilir. Qaz Gürcüstana və Türkiyəyə nəql olunur. Azərbaycan da bu qazın alıcısıdır.