Azərbaycan, Bakı, 23 aprel /Trend/
Liviyanın "Tamoil" şirkətlər qrupu ARDNŞ (Azərbaycan Respublikası Dövlət Neft Şirkəti) ilə neft və neft məhsulları sahəsində əməkdaşlıqda maraqlıdır. Bunu cümə günü Bakıda "Tamoil"un icraçı direktoru İsam Zanati ARDNŞ prezidenti Rövnəq Abdullayev ilə görüşündə deyib.
"Tamoil" əsasən Avropa ölkələrində, o cümlədən İtaliya, Almaniya, İsveçrə və İspaniyada fəaliyyət göstərir", - Zanati görüş zamanı deyib.
"Azərbaycan neftinin böyük hissəsi SOCAR Trading və onun Sinqapurdakı törəmə müəssisəsi tərəfindən satılır", - Abdullayev bildirib.
"Tamoil və ARDNŞ arasında əməkdaşlıq üçün böyük imkanlar var", - ARDNŞ prezidenti edib.
Həmçinin cümə günü Rövnəq Abdullayev Standard Chartered Bank-ın Sinqapur nümayəndəliyinin icraçı direktoru Arun Martinlə görüşüb. Martin Standard Chartered Bank-ın ARDNŞ-nin xarici investisiya layihələrində iştirak etmək niyyətini açıqlayıb, ARDNŞ ilə həm Asiya, həm də digər regionlarda neft-qaz sahəsində əməkdaşlığa hazır olduğunu bildirib.