Azərbaycan, Bakı, 29 aprel /Trend/
Bakı - Buzovna avtomobil yolunun genişləndirilməsi ilə əlaqədar Bakı vaxtı ilə saat 11:00-də Digah-Buzovna "Cənub" qaz kəməri ilə təbii qazın nəqli dayandırılacaq. Bu barədə ARDNŞ-in cümə axşamı yayılan məlumatında deyilir.
Məlumata əsasən, bu istiqamətdə qazın verilişi bu gün saat 19:00-da bərpa ediləcək.
Bu qaz kəməri ilə qaz verilişinin dayandırılması ilə əlaqədar Zabrat-II, Nardaran, Maştağa, Albalılıq, Buzovna qazpaylayıcı stansiyalarının, Bolqarıstan və Ramana südçülük ölçü qovşaqlarının, Olimpiya İdman Kompleksinin qaz təminatında məhdudiyyətlər olacaq.