Azərbaycan, Bakı, 15 may /Trend/
ARDNŞ prezidenti Rövnəq Abdullayev şirkətin kollektivinə yeni vitse-prezidentləri təqdim edib. ARDNŞ-nin neftin, qazın hasilatı və nəqli üzrə vitse-prezidenti Rəhman Qurbanov, ekologiya üzrə vitse-prezidenti isə Soltan Əliyev təyin edilib. Bu barədə şirkətin rəsmi saytında yerləşdirilmiş məlumatda deyilir.
"Şirkət böyüyüb inkişaf etdikcə, onun strukturu daha da təkmilləşdirilir", - Abdullayev yeni vitse-prezidentləri təqdim edərkən deyib.
ARDNŞ-nin məlumatında deyilir ki, Rəhman Qurbanov və Soltan Əliyev müvafiq vəzifələrə Azərbaycan Prezidenti İlham Əliyevin 2010-cu il 12 may tarixli sərəncamına əsasən təyin olunub.