Аzərbaycan, Bakı, 8 iyun /Trend/
Azərbaycan Avropa qiymətlərinə uyğun olan şəffaf dəyərlər əsasında qazın nəqli üçün öz ərazisini təqdim etməyə hazırdır. Bu barədə respublika ərazisi vasitəsilə Mərkəzi Asiya ölkələrindən qazın nəqli imkanları məsələsini şərh edən ARDNŞ-in (Azərbaycan Dövlət Neft Şirkəti) yüksəkvəzifəli nümayəndəsi məlumat verib.
Əvvəlcə İtaliya şirkəti "Eni" ARDNŞ-ni 6-8 milyard kubmetr qazın Türkmənistandan nəqli layihəsində iştiraka dəvət etmişdi. Bu layihədə qazın Xəzər dənizi vasitəsilə gəmilərlə nəqli nəzərdə tutulur.
Tərəflər ARDNŞ və "Eni"nin işçi qrupları tərkibində bu layihə çərçivəsində, əsasən, texniki, hüquqi və iqtisadi məsələlərin bütün spektrinin öyrənilməsi barədə razılığa gəliblər.