Azərbaycan, Bakı, 15 iyul /Trend, müxbir İ.Xəlilova/
Cümə axşamı Vyanada Azərbaycan hökuməti OPEC-in Beynəlxalq İnkişaf Fondu ilə 800 meqavat gücə malik "Cənub" istilik elektrik stansiyasının tikinti layihəsi çərçivəsində kredit sazişi imzalayıb. Bu barədə cümə axşamı Maliyyə Nazirliyindən bildiriblər. Sazişi imzalanması üçün maliyyə naziri Samir Şərifov Avstriyadadır.
OPEC-in Direktorlar Şurası Azərbaycana 20 milyon avronun verilməsini təqdir edib.
Kredit sazişinə əsasən, vəsaitlər 15 il müddətinə üç illik güzəştlə və illik 5,1 faizlə verilir.
Layihənin ümumi dəyəri 664,1 milyon avro qiymətləndirilir. 2010-cu ildə tikinti işlərinə layihə üçün alınan xarici borcdan 117 milyon avronun ayrılması planlaşdırılıb. Hazırda maliyyələşmə üçün 434 milyon avronun alınması təsdiqlənib.
Layihənin maliyyələşdirilməsinə üç bankın - Bayerische Landesbank, Societe Generale və Credit Suisse-in iştirakçısı olduğu konsorsiumdan 300 milyon avro cəlb edilib. Kredit dövlət zəmanəti ilə 10 il müddətinə verilib. Bank konsorsiumunun kredit resursları stansiyanın tikintisi ilə bağlı işlərin maya dəyərinin yarısını ödəyəcək.
İslam İnkişaf Bankı ötən il oktyabrın 20-də 134 milyon avro məbləğində maliyyələşməni təqdir edib. İstilik elektrik stansiyasının tikintisinə Əbu-Dabinin İnkişaf Fondu 60 milyon dolların ayrılmasını təqdir edib.
Asiya İnkişaf Bankı xarici kommersiya banklarını maliyyələşməyə cəlb etmək üçün 232,32 milyon dollar məbləğində zəmanətli yardımı göstərməyə hazırdır.
"Cənub" stansiyası həm qazla, həm də mazutla işləyəcək.