Azərbaycan, Bakı, 23 iyul /Trend/
İran və Türkiyə İran qazının nəql olunması üçün yeni qaz kəmərinin tikintisi üzrə saziş imzalayıblar. Bu barədə SHANA agentliyi məlumat yayıb.
Saziş İranın Milli Qaz Şirkətinin direktoru Cavad Ouci və Türkiyənin ASB şirkətinin rəhbəri Sidqi Ayan arasında imzalanıb.
660 kilometr uzunluğu olan boru kəmərinin dəyəri bir milyard avroya yaxın təşkil edir.
Saziş İranın neft naziri Məsud Mirkazıminin Türkiyəyə səfəri zamanı imzalanıb.
Səfər gedişində neft və qaz sahəsində əməkdaşlığın genişləndirilməsi, İranın neft-qaz yataqlarına birgə sərmayələrin qoyulması, İranın elektrik enerjisinə türk sərmayələrinin yatırılması ilə bağlı məsələlər geniş müzakirə olunub.