Azərbaycan, Bakı, 5 avqust /Trend/
ARDNŞ-nin Kompleks Qazma İşləri Tresti Xəzərin Azərbaycan sektorunda "Günəşli" yatağında üç yüksək debitli quyunun qazılması işini aparır. Bu barədə şirkətin cümə axşamı yayılan məlumatında deyilir.
Qazılan quyuların hər birinin layihə dərinliyi 3800 metri ötür. "28 May" Neft və Qazçıxarma İdarəsinin sifarişi ilə qazılan quyuların ilin sonunadək istifadəyə verilməsi planlaşdırılıb.
Hesablamalara görə, bu quyuların hər birinin gündəlik hasilatı 40 ton neft, 250 min kubmetr qaz təşkil edəcək.
Azərbaycanda 59 neft-qaz yatağı var. Onlardan 18-i dənizdə, qalanı isə quruda yerləşir.
