...

"Azərikimya" İB-də Fövqəladə Hallar Nazirliyi ilə birgə mülki müdafiə üzrə təlim keçiriləcək

Energetika Materials 13 Avqust 2010 18:31 (UTC +04:00)
Avqustun 18-də "Azərikimya" İstehsalat Birliyinin Etilen-polietilen zavodunun ərazisində Fövqəladə Hallar Nazirliyi qüvvələrinin mülki müdafiə üzrə təli­mi keçiriləcək.
"Azərikimya" İB-də Fövqəladə Hallar Nazirliyi ilə birgə mülki müdafiə üzrə təlim keçiriləcək

Azərbaycan, Bakı, 13 avqust /Trend/

Avqustun 18-də "Azərikimya" İstehsalat Birliyinin Etilen-polietilen zavodunun ərazisində Fövqəladə Hallar Nazirliyi qüvvələrinin mülki müdafiə üzrə təli­mi keçiriləcək. Təlimin keçirilməsində əsas məqsəd fövqəladə hadisələr zamanı birgə və səmərəli fəa­liyyəti təşkil etməkdir.

Zavodun hərbi­ləşdirilməmiş mülki müdafiə heyətinin və Fövqəladə Hallar Nazirliyinin mühafizə xidmətinin 200 nəfərlik qüvvəsinin iştirak edəcəyi təlimə 10-dan artıq yanğın­söndürən maşın və texnika cəlb olunacaq. Artıq "Azərikimya" İB-də təlimlə bağlı hazırlıq işlərinə başlanılıb.

Təlim üçün stasionar yanğınsöndürmə, rabitə-xəbərdarlıq qurğularının hazırlanması, su təchizatı, mülki müdafiə dəstələrinin xüsusi geyim, dəbilqə və s. ləvazimatlarla təminatı məsələləri həll olunur, iştirakçılara metodiki tövsiyələr verilir.

Təlimdə Fövqəladə Hallar Nazirliyinin xüsusi komissiyası, Sumqayıt Şəhər Mülki Müdafiə Qərargahının, Respublika "Qızıl Aypara" Cəmiyyəti Sumqayıt şəhər şöbəsinin nüma­yəndələri iştirak edəcəklər. Sumqayıt şəhər təcili tibbi yardım stansiyasının həkimlər briqadası təlim keçirilən müddət ərzində zavod ərazisində növbə çəkəcək.

Xəbər lenti

Xəbər lenti