Azərbaycan, Bakı, 24 avqust /Trend, müxbir E.İsmayılov/
Proqnozlara görə, ARDNŞ Türkiyədə "Petkim" Neft-Kimya Kompleksi yaxınlığında neft emalı zavodunun tikintisinə gələn ilin ortalarında başlamağı planlaşdırır. Bu barədə çərşənbə axşamı ARDNŞ-dəki mənbə bildirib.
Onun sözlərinə görə, hazırda zavodun tikintisi çərçivəsində injinirinq işləri aparılır. Tikinti zamanı lazım olan qurğular üçün ilkin sifarişlər vermək də lazım olacaq.
"İndi dəqiq müddət haqqında danışmaq çətindir, lakin bunun gələn ilin ortalarında baş tutacağı gözlənilir", - mənbə qeyd edib.
Bundan əvvəl İsveçrənin "Foster Wheeler AG" şirkəti bölmələrindən birinin SOCAR/TURCAS Rafineri AS şirkətindən Türkiyədəki "Petkim" Neft-Kimya Kompleksi yaxınlığında NEZ tikintisi çərçivəsində müqavilənin aldığını elan edib.
Müqavilə yeni NEZ-in tam injinirinq dizaynını və "Foster Wheeler" şirkətinə məxsus SYDECSM texnologiyası üzrə ləng kokslaşdırma qurğusunun tikintisinin ilkin injinirinqini təklif edir.
Yeni müəssisənin gücü sutkada 214 min barel təşkil edəcək. Nafta və mazut hidrokrekinqdən sonra kimyəvi məhsulların istehsalı üçün "Petkim" kompleksinə göndəriləcək.
NEZ-ə naftanın hidrotəmizlənməsi üzrə atmosfer-vakuum trubçatkaların elektroduzsuzlaşdırma qurğusu, ləng kokslaşdırma (gücü sutkada 40 min barel), hidrokrekinq (sutkada 66 min barel), kerosin və dizel yanacağının hidrotəmizlənməsi qurğusu, LPG təmizləmə, katalitik reforminq (gücü sutkada 28 min barel), qazla təchiz olunmuş qurğu və digər avadanlıqlar daxildir.
"Foster Wheeler" müqavilə üzrə bütün işləri 2010-cu ilin sonlarınadək başa çatdırmağı planlaşdırır.
2008-ci ildə "SOCAR/Turcas Petrol/Injaz Projects" şirkətlər alyansı Türkiyənin "Petkim" neft-kimya holdinqində 51 faizlik səhm paketinin alınması üçün tenderin qalibi olub. Buna görə alyansa 2,04 milyard dollar təklif edilib. Hazırda Türkiyə zəruri kimya məhsullarının 70-75 faizini idxal edir. "SOCAR/Turcas/Injaz"ın "Petkim"in inkişafına yatıracağı sərmayələr məhsul idxalını 30 faizədək azaltmağa imkan verir.
"Petkim Petrokimya Holding" plastik qablaşdırmalar, parçalar, PVC, yuyucu vasitələr istehsal edir və Türkiyədə belə məhsulların yeganə istehsalçısıdır. Şirkət məhsullarının ¼-ni ixrac edir.
