Azərbaycan, Bakı, 15 sentyabr /Trend, müxbir E.İsmayılov/
Xəzər dənizinin Azərbaycan sektorundakı "Şahdəniz" qaz-kondensat yatağının işlənməsinin ikinci mərhələsi üzrə son maliyyə qərarı 2011-ci ilin oktyabrında qəbul ediləcək. Bu barədə çərşənbə günü ARDNŞ-nin (Azərbaycan Dövlət Neft Şirkəti) yüksək vəzifəli nümayəndəsi bildirib.
Onun sözlərinə görə, ikinci mərhələ üzrə birinci maliyyə qərarı gələn ilin martında qəbul olunacaq.
Eləcə də ARDNŞ nümayəndəsinin sözlərinə görə, "Şahdəniz" yatağının işlənməsinin ikinci mərhələsi üzrə danışıqlarda ARDNŞ-nin lider rolu artıq sənədlərlə müəyyən edilib.
"Şahdəniz" yatağı üzrə müqavilə 1996-cı il iyunun 4-də imzalanıb. Müqavilə iştirakçıları bunlardır: bp (operator) - 25,5%, "Statoil" - 25,5%, NICO - 10%, "Total" - 10%, "LukAgip" - 10%, TPAO - 9%, ARDNŞ - 10%.
Yataqda hasilatın ən yüksək həddi 8,6 - 9 milyard kubmetr həcmində nəzərdə tutulur. Proqnozlara görə, yatağın işlənməsinin ikinci mərhələsi çərçivəsində qaz hasilatının həcmini ildə 25 milyard dollara qədər artırmaq mümkün olacaq.
