...

"Chevron" və TPAO Qara dənizdə birgə kəşfiyyat üzrə saziş imzalayıblar

Energetika Materials 21 Sentyabr 2010 16:44 (UTC +04:00)

Azərbaycan, Bakı, 21 sentyabr /Trend, müxbir E.İsmayılov/

ABŞ-ın "Chevron" və Türkiyə Dövlət Neft Şirkəti (TPAO) Qara dənizdə kəşfiyyat üzrə xüsusi icazənin alınmasına dair saziş imzalayıblar. Bu barədə "Chevron"un rəsmi saytında məlumat verilib.

"Chevron" 8700 kvadratmildə (22 505 kvadratkilometr) yerləşən 3921 lisenziyalaşdırılmış meydanın qərb hissəsində işlərin aparılmasında 50 faizlik iştirak əldə edib. Blok paytaxt Ankaradan şimal-qərbə doğru 220 kvadratmillik (350 km) məsafədə yeləşir.

TPAO lisenziyanın yerdə qalan 50 faiz səhmlərinin sahibidir və meydanda qazılacaq birinci kəşfiyyat quyusunun operatorudur. Əgər birinci quyunun qazılması uğurlu olarsa, əlavə üçölçülü seysmik araşdırma aparılacaq və TPAO 2012-ci il ərzində əlavə quyu qazacaq.

"Chevron" şirkəti bu tədqiqat üçün tərəfdaş kimi Türkiyənin seçilməsindən şaddır. Biz səbirsizliklə TPAO və Türkiyə hökuməti ilə tərəfdaşlığımızın genişləndirilməsini gözləyirik [...]", - "Chevron Europe, Eurasia, Middle East Exploration and Production" şirkətinin prezidenti Qay Hollinqsvirt bildirib.

Məlumatda deyildiyi kimi, "Chevron" şirkətinin Türkiyədə maraqları dəniz daşımaları və boru kəmərlərinin istismarı sahəsinə də aiddir.

Xəbər lenti

Xəbər lenti