Azərbaycan, Bakı, 7 oktyabr /Trend, müxbir E.İsmayılov/
ARDNŞ-nin texniki tərkibi (Azərbaycan Dövlət Neft Şirkəti) Londonda Xəzərin Azərbaycan sektorunda "Şahdəniz" qaz kondensat yatağının ikinci işlənib-hazırlanma mərhələsinin konsepsiyasının müzakirəsində iştirak ediblər. Bu barədə cümə axşamı ARDNŞ-nin yüksəkvəzifəli nümayəndəsi deyib.
ARDNŞ nümayəndəsinin dediyi kimi: "bp və "Şahdəniz"in ikinci işlənib-hazırlanma mərhələsi üzrə tərəfdaşlarla nəzərdə tutulan konsepsiya ilə ARDNŞ-nin nəzərdə tutduğu konsepsiya arasında müəyyən ziddiyyət var. Bu məsələ işgüzar səviyyədə müzakirə olunur".
"Şahdəniz" dəniz yatağının işlənməsi üzrə müqavilə 4 iyun 1996-cı ildə imzalanıb. Müqavilə iştirakçıları bunlardır: bp (operator) - 25,5 faiz, Statoil hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO - 9 faiz, ARDNŞ - 10 faiz.
Hazırda qaz Cənubi Qafqaz qaz kəməri ilə Gürcüstan və Türkiyəyə nəql olunur.
Bu il yataqda 7,84 milyard kubmetr qaz hasilatı planlaşdırılır. Yatağın işlənməsinin birinci mərhələsi çərçivəsində hasilatın ən yüksək həddi 8,6-9 milyard kubmetr səviyyəsində proqnozlaşdırılır. Proqnozlara görə, yatağın işlənməsinin ikinci mərhələsi çərçivəsində qaz hasilatı həcmini ildə daha 25 milyard kubmetrədək çatdırmaq mümkün olacaq.
