Azərbaycan, Bakı, 25 oktyabr /Trend/
Çərşənbə axşamı təmir işləri ilə əlaqədar Ucar rayonunun təbii qaz təchizatı müvəqqəti dayandırılacaq. Bu barədə ARDNŞ-nin bazar ertəsi yaydığı məlumatda deyilir.
Məlumatda deyildiyinə görə, bu rayonun qazla təchizatı Bakı vaxtı ilə saat 09:00-dan 19:00-dək dayandırılacaq.
Həmin müddət ərzində Ucar şəhəri də daxil olmaqla rayonun bütün kənd və qəsəbələrinə təbii qazın verilişində məhdudiyyətlər yaranacaq. Təmir işləri başa çatdıqdan sonra qaz təchizatı bərpa olunacaq.