Azərbaycan, Bakı, 8 yanvar /Trend, müxbir E.İsmayılov/
ARDNŞ-nin 2011-ci il planları çərçivəsində "Günəşli" yatağının dayazsulu hissəsində yeni platformaların tikintisi və mövcud olanların genişləndirilməsi üzrə işlərin aparılması nəzərdə tutulur. Bu barədə şənbə günü ARDNŞ-dəki mənbə deyib.
Onun sözlərinə görə, işlər çərçivəsində "Günəşli-19" platformasının genişləndirilməsi nəzərdə tutulur. Hazırda bu platformada 12 quyu istismardadır. Sözügedən işlər başa çatdıqdan sonra əlavə olaraq daha 12 quyunun qazılması mümkün olacaq.
Mənbənin sözlərinə görə, yataqda "Günəşli-8" və "Günəşli-19" platformaları arasında əlavə daha bir platforma tikilə bilər. Texniki tapşırıqlar hələ ki hazır deyil və bu il "Günəşli"də aparılacaq işlərin planının hazırlanması prosesi hələ ki işlənmə mərhələsindədir.
Bundan əvvəl ARDNŞ rəhbəri Rövnəq Abdullayevin dediyi kimi, şikət qarşısında 2011-ci ildə qarşıya qoyulan məqsədlərdən biri yeni platformaların tikilməsi və artıq mövcud olanların təmiri, boru kəmərlərinin çəkilməsi və "Günəşli" və "Neft Daşları" yataqlarında yeni quyuların qazılmasıdır.
"Günəşli" yatağı "28 May" NQÇİ-nin balansındadır.
"Günəşli" yatağının dayazsulu hissəsi ARDNŞ-nin şəxsi vəsaitləri, "Azəri-Çıraq-Günəşli" yataqlar blokunun tərkibindəki dərinsulu hissə isə xarici şirkətlər konsorsiumu ilə birgə tərəfindən işlənilir.
