Azərbaycan, Bakı, 24 yanvar /Trend/
2010-cu ildə "Azərenerji" Səhmdar Cəmiyyətinə yanacaq qismində istifadə üçün 4 milyard kubmetrə yaxın qaz verilib. Bu göstərici 2009-cu ildə 4,32 milyard kubmetr təşkil edib. Bu barədə bazar ertəsi ARDNŞ-nin yaydığı məlumatda deyilir.
Ötən ilin dekabrında "Azərenerji"yə 401 milyon kubmetr qaz verilib. Bu göstərici 2009-cu ilin dekabrında 397,44 milyon kubmetr olub.
2008-ci ildə "Azərenerji"yə 4,95 milyard kubmetr qaz verilib. Bu göstərici 2007-ci ildə 3,4 milyard təşkil edib.
