Azərbaycan, Bakı, 3 fevral /Trend, müxbir E.İsmayılov/
Azərbaycanda qazın qiymətinin artırılması planlaşdırılmır. Trend-in məlumatına görə, bu barədə cümə axşamı ARDNŞ-nin (Azərbaycan Respublikası Dövlət Neft Şirkəti) "Azəriqaz" İstehsalat Birliyinin rəhbəri Əkbər Hacıyev deyib.
"Tərəfimizdən Tarif Şurasına müraciət olunmayıb və ümumiyyətlə, qazın qiymətinin artırılması nəzərdə tutulmur", - Hacıyev deyib.
Hazırda Azərbaycanda abunəçilər üçün qazın hər 1000 kubmetrinin qiyməti 100 manat təşkil edir.