...

İlin birinci rübündə Bakı-Tbilisi-Ceyhan ilə 8,6 milyon ton neft nəql edilib

Energetika Materials 7 Aprel 2011 17:45 (UTC +04:00)

Trend-i buradan izləyin

Azərbaycan, Bakı, 7 aprel /Trend/

2011-ci ilin birinci rübündə Bakı-Tbilisi-Ceyhan (BTC) ixrac neft kəməri ilə 8,6 milyon ton neft nəql olunub. Bu göstərici 2010-cu ilin analoji dövründə 8,8 milyon ton təşkil edib. Bu barədə ARDNŞ-nin cümə axşamı yaydığı məlumatda deyilir.

Bu kəmərlə "Azəri-Çıraq-Günəşli" yataqlar blokunda hasil edilən Azərbaycan nefti və "SOCAR Trading"in aldığı Türkmənistan nefti nəql olunur.

Aprelin 1-nə olan məlumata görə, neft kəməri işə başlayandan 152,1 milyon ton neft nəql edilib.

Məlumata əsasən, martda kəmərlə 2,9 milyon ton Azərbaycan nefti nəql edilib.

2010-cu ildə BTC ilə cəmi 37 milyon ton neft nəql olunub. Bu göstərici 2009-cu ildə 36,2 milyon ton olub.

Yanvar-martda Türkiyənin Ceyhan limanından dünya bazarlarına 8,2 milyon ton neft gösndərilib ki, bu da 2010-cu ilin yanvar-mart göstəricisi ilə eynidir. 2011-ci il aprelin 1-nə olan məlumata görə, Bakı-Tbilisi-Ceyhan boru kəməri işə başlayandan Ceyhandan dünya bazarlarına 150,2 milyon ton Azərbaycan nefti göndərilib.

Martda Ceyhandan 3,011 milyon ton Azərbaycan nefti yüklənib. Bunun 2,17 milyon tona yaxını ARDNŞ-nin payına düşüb.

2010-cu ildə Türkiyənin Ceyhan limanından dünya bazarlarına ümumilikdə 37,3 milyon ton neft göndərilib. Bu göstərici 2009-cu ildə 36,3 milyon ton olub.

BTC neft kəmərinin ümumi uzunluğu 1768 kilometrdir ki, bunun da 443 km-i Azərbaycan, 249 km-i Gürcüstan, 1076 km-i isə Türkiyə ərazisində yerləşir. Boru kəmərinin tikintisinə 2003-cü ilin aprel ayında, onun neftlə doldurulmasına isə 2005-ci il mayın 18-də başlanıb.

BTC-nin tikintisi dörd milyard dollara başa gəlib. Bu, inşaat işlərinə, boru kəmərinin doldurulmasına çəkilən xərclər və maliyyə xərcləridir. Bank faizlərinin ödənilməsi buraya daxil deyil. Maliyyə kreditinin ümumi həcmi 2,6 milyard dollar təşkil edir.

BTC-nin səhmdarları BP (30,1 faiz), AzBTC (25 faiz), "Chevron" ( 8,90 faiz), "Statoil" (8,71 faiz), TPAO (6, 53 faiz), "Eni" (5 faiz), "Total" (5 faiz), "Itochu" (3,40 faiz), "Inpex" (2,50 faiz), "ConocoPhilips" (2,50 faiz) və "Hess" (2,36 faiz) şirkətləridir.

Xəbər lenti

Xəbər lenti