Azərbaycan, Bakı, 12 aprel /Trend/
Yanvar-mart aylarında Astara elektrik stansiyası 68,9 milyon kilovat-saat elektrik enerjisi istehsal edib. Bu, proqnozlaşdırılandan 2,3 milyon çoxdur. Bu barədə "Azərenerji" ASC-nin (Azərbaycanda elektrik enerjisinin istehsalı və paylanması) çərşənbə axşamı yayılan məlumatında deyilir.
Məlumatda deyildiyinə görə, martda stansiyada proqnozlaşdırılan 22,5 milyon əvəzinə, 23,7 milyon kilovat-saat elektrik enerjisi istehsal edilib.
Astara elektrik stansiyası 2006-cı ilin fevralında istismara verilib. Stansiyanın gücü 87 meqavat təşkil edir.