...

ARDNŞ Gürcüstandakı yanacaqdoldurma məntəqələrinin sayını artırır

Energetika Materials 13 Aprel 2011 13:51 (UTC +04:00)

Trend-i buradan izləyin

Azərbaycan, Bakı, 13 aprel /Trend, müxbir E.İsmayılov/

ARDNŞ-nin Gürcüstandakı yanacaqdoldurma məntəqələrinin sayı 67 ədədə çatdırılıb. Bu barədə ARDNŞ-nin Gürcüstan nümayəndəliyinin saytında yerləşdirilən məlumatda deyilir.

Məlumata əsasən, son vaxtlar Saqarco rayonunda (Muğanlı qəsəbəsi) və Tbilisidə - Tamaraşvili və Şeşelidze küçələrində yanacaqdoldurma məntəqələri açılıb.

İlin sonunadək ARDNŞ öz brendi altında olan yanacaqdoldurma məntəqələrinin sayını 100 ədədə çatdırmaq niyyətindədir. Artıq bir sıra yeni məntəqələrin tikintisinə başlanılıb və yeni yanacaqdoldurma məntəqələrinin çox hissəsinin açlışı ilin ikinci yarısında olacaq.

"SOCAR Energy Georgia"nın həmtəsisçiləri: ARDNŞ - 51 faiz, Petro-Trans FZCO - 24,5 faiz və İvan Çxartişvili - 24,5 faiz.

Hazırda ARDNŞ Bakıda 6 YDM-ə malikdir, lakin perspektivdə onların sayının 26 və ya 30-dək çatdırılması planlaşdırılır. Tədricən şirkət Ukraynada YDM açır, eləcə də Rumıniyada yanacaqdoldurma məntəqələrinin açılması üzrə işlər aparır.

Xəbər lenti

Xəbər lenti