Azərbaycan, Bakı, 22 iyun /Trend, müxbir E.İsmayılov/
Qaz sahəsində texniki şərtlərin və əhali sayından olan istehlakçılar üçün qoşulma qaydalarının verilməsi üzrə yeni qaydaların hazırlanması praktiki olaraq başa çatıb. Bu barədə çərşənbə axşamı Sənaye və Energetika Nazirliyi yanında Dövlət Qaz Nəzarət İdarəsinin rəisi Asif Zeynalov bildirib.
Onun sözlərinə görə, hazırda yeni qaydalara Energetika Nazirliyində baxılır.
"Yaxın günlərdə qaydalar baxılmaq üçün Nazirlər Kabinetinə göndəriləcək", - Zeynalov deyib.
Onun sözlərinə görə, qaz sahəsində sənədlərin və qaydaların hazırlanmasında əsas məqsəd qaz istehlakçılarının hüquq və maraqlarının müdafiəsinin təmin olunmasıdır.
Bundan əvvəl Nazirlər Kabineti Azərbaycanda qazdan istifadənin yeni qaydalarını təsdiqləyib.
