...

"Şahdəniz-2"nin reallaşdırılması və Avropaya qazın tədarükü üçün infrastrukturun yaradılmasına 45 milyard dollaradək vəsait lazımdır - BP

Energetika Materials 6 İyun 2012 14:25 (UTC +04:00)

Trend-i buradan izləyin

Azərbaycan, Bakı, 6 iyun /Trend, müxbirlər E.İsmayılov, A.Bədəlova/

Xəzərdə Azərbaycanın "Şahdəniz" qaz-kondensat yatağının ikinci mərhələsinin işlənməsinin reallaşdırılması və Avropaya qazın tədarükü üçün bütün zəruri infrastrukturun yaradılması üçün investisiyaların həcmi 40-45 milyard dollar təşkil edə bilər. Trend-in məlumatına görə, bu barədə çərşənbə günü BP-nin Azərbaycan, Gürcüstan və Türkiyə üzrə prezidenti Rəşid Cavanşir Bakıda keçirilən "Xəzər neft, qaz, neftayırma və neft kimyası" (Caspian Oil and Gas) konfransı zamanı bildirib.

Onun sözlərinə görə, "Şahdəniz"in bilavasitə ikinci mərhələsinin işlənməsinin reallaşdırılması, Azərbaycan və Gürcüstanın qaz nəqli infrastrukturunun genişləndirilməsinə təqribən 25 milyard dollar tələb oluna bilər.

"Şahdəniz-2" layihəsi "Cənub qaz dəhlizi"nin açılmasında müstəsna rol oynayacaq. Onun əsas vəzifəsi Azərbaycanın dünya qaz bazarı ilə birləşməsi olacaq", - Cavanşir qeyd edib.

Onun sözlərinə görə, 2030-cu ilə Aİ-nin qaz idxalı təqribən 80 faiz təşkil edəcək. Eyni zamanda, Türkiyədə qaza tələbat 50 milyard kubmetrədək artacaq.

"Bu, Xəzər regionundan qazın tədarükü, xüsusilə Azərbaycan qazının tədarükü üçün imkanları artırır. "Şahdəniz-2" layihəsi BP-nin indiyədək reallaşdırdığı ən iri meqalayihədir. Bu layihənin vəzifələri çox vacibdir", - Cavanşir deyib.

Xəbər lenti

Xəbər lenti