...

TANAP çərçivəsində təsis məsələləri bir ay ərzində həll olunacaq

Energetika Materials 1 Oktyabr 2012 16:20 (UTC +04:00)

Trend-i buradan izləyin

Azərbaycan, Bakı, 1 oktyabr /Trend, müxbir A.Axundov/

ARDNŞ (Azərbaycan Respublikası Dövlət Neft Şirkəti) Trans-Anadolu qaz kəməri (TANAP) layihəsi çərçivəsində təsis məsələlərini Türkiyə tərəfi ilə bir ay ərzində həll etməyi planlaşdırır. Bu barədə bazar ertəsi Trend-ə ARDNŞ-nin yüksək vəzifəli nümayəndəsi məlumat verib.

"Biz türkiyəli tərəfdaşlarla bu layihə üzərində çalışırıq. Hazırda təsisçilərlə sazişi və gələcək birgə şirkətin nizamnaməsini razılaşdırırıq", - mənbə bildirib.

ARDNŞ-də hesab edirlər ki, hazırda bu məsələni ətraflı şəkildə müzakirə etmək hələ tezdir, çünki həmin şirkətlərin bu layihəyə böyük maraqları ola bilər.

"Yeni şirkətlərin layihədə iştiraka cəlb edilməsi Türkiyə ilə təsis məsələlərinin razılaşdırılmasından sonar gözlənilir. Hesab edirəm ki, yaxın aylarda Türkiyə tərəfi ilə bu məsələni həll edəcəyik", - mənbə deyib.

Xəbər lenti

Xəbər lenti