Azərbaycan, Bakı, 29 oktyabr /Trend, müxbir E.İsmayılov/
Yanvar-sentyabr aylarında "Sumqayıt" istilik elektrik stansiyası 1,31 milyard kilovat-saatdan çox elektrik enerjisi istehsal edib. Trend-in məlumatına görə, bu barədə bazar ertəsi "Azərenerji" ASC-nin yaydığı məlumatda deyilir.
Elektrik stansiyası cari ilin sentyabr ayında 155 milyon kilovat-saata yaxın elektrik enerjisi istehsal edib.
Ümumi gücü 525 MVt olan "Sumqayıt" elektrik stansiyasında iki ədəd qaz və bir ədəd buxar turbini quraşdırılıb.
Elektrik stansiyası iqtisadi cəhətdən inkişaf edən Sumqayıt şəhərinin və Abşeron yarımadasının enerji təhlükəsizliyinin möhkəmləndirilməsini təmin edir.
Bundan əlavə, "Sumqayıt" İES-in enerjinin ötürülməsi və paylaşdırılması sistemlərinin dayanıqlı və sabit işləməsinin təmin edilməsində böyük rolu var.