Azərbaycan, Bakı, 25 yanvar /Trend, müxbir E.İsmayılov/
Təmir işləri ilə əlaqədar olaraq 25 yanvar 2013-cü il tarixidə saat 10:00-dan 17:00-dək Bakının Binə qəsəbəsinə və Ucar rayonuna təbii qazın verilişində fasilələr yaranacaq. Trend-in məlumatına görə, bu barədə ARDNŞ-nin (Azərbaycan Respublikası Dövlət Neft Şirkəti) "Azəriqaz" İstehsalat Birliyindən cümə günü xəbər verilib.
Saat 17:00-dək Xəzər rayonunun Binə qəsəbəsinə və Südçülük savxozu adlanan yaşayış massivinə, saat 18:00-dək Ucar şəhəri də daxil olmaqla rayonun Qarabörk, Rəstəcə və Gəraybəyli kəndlərinə təbii qazın verilişində fasilələr yaranacaq.
ARDNŞ-nin (Azərbaycan Respublikası Dövlət Neft Şirkəti) "Azəriqaz" İstehsalat Birliyi yeni qaz xəttinin qoşulması üzrə işlər həyata keçirir.