Azərbaycan, Bakı, 7 may /Trend, müxbir E.İsmayılov
Birinci rüb ərzində Bakı-Tbilisi Ceyhan kəməri (BTC) üzrə əsaslı xərclərə 13 milyon dollar xərclənib. Trend-in məlumatına görə, bu barədə çərşənbə axşamı BP-nin yanvar-mart aylarında Azərbaycanda fəaliyyətinin yekunlarına dair yaydığı rəsmi hesabatda deyilir.
Bütün il üçün əsaslı xərclər 97 milyon dollar səviyyəsində planlaşdırılır.
2006-cı ilin iyun ayının 4-də ilk tankerin Ceyhandan yola salınmasından bu ilin birinci rübünün sonunadək BTC vasitəsilə nəql edilmiş təxminən 220 milyon ton (təxminən 1 milyard 648 milyon barel) xam neft Ceyhanda 2140 tankerə yüklənilmiş və dünya bazarlarına göndərilib.
BTC Ko.-nun səhmdarları: BP (30,1%); AzBTC (25.00%); Şevron (8,90%); Statoyl (8,71%); TPAO (6,53%); ENİ (5.00%); Total (5.00%), İTOÇU (3,40%); İNPEKS (2,50%), KonokoFillips (2,50%) və ONGC (BTC) limited (2,36%) şirkətləridir.