Azərbaycan, Bakı, 10 may/Trend, müxbir A. Tağıyeva/
"Nabucco West" qaz kəməri layihəsinin iştirakçı ölkələrinin energetika nazirləri mayın sonunda Rumıniyanın paytaxtı Buxarestdə görüşəcəklər. Trend-in cümə günü "Enerji Enstitusu" qəzetinə istinadən verdiyi məlumata görə, bunu Türkiyədə rəsmi səfərdə olan Rumıniyanın energetika naziri Konstantin Nita deyib.
Nitanın sözlərinə görə, Rumıniya "Nabucco" layihəsinin həyata keçirilməsində Türkiyədən dəstək gözləyir.
Nazir bildirib: "Hazırda Türkiyə regionda liderdir, buna görə də bu ölkənin "Nabucco West" layihəsinin həyata keçirilməsində dəstəyi olduqca əhəmiyyətlidir".
Nitanın sözlərinə görə, bu layihə xüsusilə Qərbi və Şərqi Avropa üçün çox vacib iqtisadi və siyasi əhəmiyyətə malikdir.