Azərbaycan, Bakı, 23 sentyabr /Trend, müxbir E.İsmayılov/
2013-cü ilin əvvəlindən bəri ARDNŞ-nin (Azərbaycan Respublikası Dövlət Neft Şirkəti) Kompleks Qazma İşləri Tresti 51 quyuda qazma işlərinə başlayıb. Trend-in məlumatına görə, bu barədə trest rəhbəri İsgəndər Şirəli "Caspian Energy" jurnalina müsahibəsində bildirib.
Onun sözlərinə görə, ilin əvvəlində 43 quyuda qazma işləri yekunlaşdırılıb və elə həmin sayda da quyu istismara verilib: "Göstərilən müddət ərzində (2013-cü il yanvar-avqust ayları) respublikanın quru və dəniz ərazilərində 96 869 metr həcmində qazma işləri aparılıb ki, bu da ötən ilin analoji dövründə qeydə alınan göstəricidən (11,7 faiz) 10 142 metr çoxdur".
