Azərbaycan, Bakı, 2 may /Trend, müxbir E.İsmayılov/
Azərbaycan Respublikası Dövlət Neft Şirkəti (ARDNŞ) 2014-cü ilin yanvar-aprel aylarında Gürcüstanın Supsa limanından 1,05 milyon ton neft ixrac edib. Ötən ilin eyni dövründə bu rəqəm 1,04 milyon ton təşkil edib.
Trend Dövlət Neft Şirkətinin rəsmi saytına istinadən məlumat verir ki, ARDNŞ apreldə Supsadan 242,04 min ton neft ixrac edib. 2013-cü ilin eyni ayında bu göstərici 243,37 min tona bərabər olub.
Şirkət 2013-cü ildə ümumilikdə Supsadan təqribən 2,73 milyon ton neft ixrac edib. 2012-cu ildə bu rəqəm 2,74 milyon ton təşkil edib.
