Azərbaycan, Bakı, 4 noyabr /Trend, müxbir Emil İsmayılov/
"Azəriqaz" İstehsalat Birliyi (İB) bu ilin yanvar-oktyabr aylarında 160 çoxmərtəbəli binanı qazlaşdırıb. Bunu Trend-ə Birlikdən deyiblər.
İB-dən bildiriblər ki, qeyd edilən binalarda 12 179 mənzil qazlaşdırılıb.
Ötən il Azərbaycanda ümumilikdə 149, 2012-ci ildə isə 60 çoxmərtəbəli bina qazlaşdırılmışdı.
İB-nin məlumatına görə, ölkədə qaz abonentlərin sayı 1,7 milyonu ötür. Ölkədə qazlaşdırmanın səviyyəsi 90,4 faizdir.