Azərbaycan, Bakı, 7 noyabr /Trend, müxbir Emil İsmayılov/
"Neft Daşları" yatağının qalıq neft ehtiyatları 22-23 milyon ton təşkil edir. Trend xəbər verir ki, bu barədə cümə günü "Neft Daşları" yatağından ilk neftin hasil olunmasının 65 illiyinə həsr edilmiş tədbirdə ARDNŞ-nin (Azərbaycan Respublikası Dövlət Neft Şirkəti) birinci vitse-prezidenti Xoşbəxt Yusifzadə bildirib.
Onun sözlərinə görə, yeni sahələrin açılışı yataqlarda daha uzunmüddətli neft hasil etməyə imkan verəcək.
Tədbirin gedişində ARDNŞ-nin "Azneft" İB-nin baş direktoru Daşqın İskəndərovun deyib ki, "Neft Daşları" dəniz yatağının işlənməsinə başlanandan buradan 171 milyon ton neft hasil olunub.
O bildirib ki, bundan başqa, istismar olunduğu 65 il ərzində yataqdan 14 milyard kubmetrə yaxın qaz çıxarılıb.