Azərbaycan, Bakı, 5 dekabr /Trend, müxbir Rufiz Hafizoğlu/
Azərbaycan və Türkiyə vacib enerji layihələrini həyata keçirirlər. Trend-in məlumatına görə, bunu Türkiyə parlamentinin Xarici işlər komissiyasının sədri Əhməd Berat Çonkar "Rusiyanın səsi" radiosunun Türkiyə bürosuna müsahibəsində deyib.
Onun sözlərinə görə, belə vacib enerji layihələrdən biri Transanadolu boru kəməridir (TANAP).
Ə.B.Çonkar qeyd edib ki, Azərbaycanla layihələrin reallaşdırılması ilə yanaşı, Türkiyə digər layihələri inkişaf etdirmək niyyətindədir.
TANAP-ın 2018-ci ildə istismara verilməsi planlaşdırılır. Layihənin dəyəri 10-11 milyard dollar qiymətləndirilir.