...

Dövlət Departamenti: ABŞ qazı Avropada Azərbaycan qazına rəqib olmayacaq

Energetika Materials 6 May 2016 20:19 (UTC +04:00)
ABŞ qazı Avropa bazarında Azərbaycan qazına rəqib olmayacaq.
Dövlət Departamenti: ABŞ qazı Avropada Azərbaycan qazına rəqib olmayacaq

Bakı. Yelena Kosolapova - Trend:

ABŞ qazı Avropa bazarında Azərbaycan qazına rəqib olmayacaq. Bunu Trend-ə ABŞ Dövlət Departamentinin beynəlxalq enerji məsələləri üzrə xüsusi elçisi və əlaqələndiricisi Amos Hokstayn deyib.

Onun sözlərinə görə, Azərbaycan qazı Türkiyə və Avropaya nəql edəcək ki, bu da əhəmiyyətli tədarükdür: "ABŞ-ın Azərbaycan qazının tədarük olunacağı regiona öz qazını çatdırmaq imkanı yoxdur".

Dövlət Departamentinin rəsmisi qeyd edib ki, ABŞ-ın yalnız Litva, İspaniya və Portuqaliyaya qaz tədarük etmək imkanı ola bilər: "Buna görə də mən rəqabət görmürəm".

A.Hosktayn bildirib ki, gələcəkdə də Azərbaycan və ABŞ qazı arasında rəqabət olmayacaq, çünki artıq Azərbaycanın boru kəmərləri ilə Avropaya tədarük edəcəyi qazın alıcıları var: "Biz rəqib deyilik, biz tərəfdaşıq".

Qeyd edək ki, ABŞ ötən aydan Avropaya qaz ixracına başlayıb. Luiziana ştatından yola düşən ilk tanker Portuqaliyanın Siniş limanına aprelin 27-də çatıb.

Azərbaycanın "Şahdəniz" yatağından ilk qazın "Cənub Qaz Dəhlizi" üzrə Avropaya 2020-ci ildə çatdırılacağı gözlənilir.

Məqalədə:
Xəbər lenti

Xəbər lenti