Bakı. Sara İsrafilbəyova - Trend:
Ötən il Azərbaycanda məşğulluq sahəsində kiçik və orta biznesin xüsusi çəkisi 76 faiz təşkil edib.
Trend-in məlumatına görə, bunu iqtisadiyyat nazirinin müavini Niyazi Səfərov "KOB evi"nin layihəsinin təqdimatı zamanıdeyib.
O bildirib ki, son bir neçə il ərzində kiçik və orta biznesin inkişafı üçün kompleks işlər aparılır. Sahibkarlıq subyektlərində yoxlamalar dayandırılıb, lisenziyaların verilməsi prosesi sadələşdirilib:
“Bu günədək sahibkarlara 7400-dən çox lisenziya verilib. Lisenziyaların verilməsi elektronlaşdırılıb və bu günədək elektron formada 940-dək lisenziya verilib”.
N.Səfərovun sözlərinə görə, lisenziyaların alınması üçün rüsumun məbləği Bakıda iki dəfə, rayonlarda dörd dəfə azaldılıb.
