...

Azərbaycan və Türkiyə "Şahdəniz-1" yatağı ilə bağlı sazişin müddətini uzadıb

Energetika Materials 27 Sentyabr 2021 19:57 (UTC +04:00)
Azərbaycan və Türkiyə "Şahdəniz-1" yatağı ilə bağlı sazişin müddətini uzadıb

Bakı. Ləman Zeynalova - Trend:

Azərbaycan və Türkiyə "Şahdəniz-1" yatağında qaz tədarükü ilə bağlı sazişin müddətini uzadıb.

Bu barədə məlumatı Trend-ə Azərbaycan Dövlət Neft Şirkətindən (SOCAR) təsdiqləyiblər.

SOCAR-ın Tədbirlərin təşkili və ictimaiyyətlə əlaqələr departamentinin rəis müavini İbrahim Əhmədov qaz tədarükü ilə bağl sazişin mövcud olduğunu bildirib: "Tədarüklə bağlı sazişin olduğunu təsdiq edirəm. Detalları hələlik şərh etmirik".

Türkiyə KİV-lərinin məlumatına əsasən, sazişin qüvvədə olma müddəti 2024-cü ildə bitir.

Qeyd edək ki, Azərbaycandan Türkiyəyə illik 6,6 milyard kubmetr qazın tədarükü ilə bağlı 2001-ci ildə imzalanmış müqavilənin müddəti 2021-ci il aprelin 16-da bitmişdi.

Hazırda Türkiyə Azərbaycan qazını Trans-Anadolu qaz kəməri (TANAP) vasitəsilə alır. TANAP-la Türkiyəyə ildə 6 milyard kubmetr qaz tədarük edilir.

Twitter: @Lyaman_Zeyn

(Tərcümə: Orxan Nəbiyev)

Məqalədə:
Xəbər lenti

Xəbər lenti