Bakı. Trend:
Beynəlxalq Valyuta Fondu (BVF) neftin bir barelinin qiymətinin bu il 16,2% azalaraq 81,13 dollara düşəcəyini proqnozlaşdırır.
Trend xəbər verir ki, BVF-nin dünya iqtisadiyyatının inkişaf perspektivləri barədə hesabatına yanvar yeniləməsində deyilir.
"2023-cü ildə neftin qiymətinin təxminən 16%, qeyri-yanacaq məhsullarının isə orta hesabla 6,3% ucuzlaşacağı gözlənilir", - deyə hesabatda bildirilir.
29 noyabr 2022-ci il tarixinə fyuçers bazarlarında hesablanan orta proqnoz qiyməti 2023-cü ildə 81,13 dollar, 2024-cü ildə isə 75,36 dollar təşkil edəcək.