Bakı. Trend:
Azərbaycanın “Şahdəniz” qaz yatağının işlənməsinin ikinci mərhələsi (“Şahdəniz 2”) çərçivəsində ümumilikdə 23 quyu qazılıb.
Trend xəbər verir ki, bu barədə bp-nin 2025-ci ilin ilk üç rübünü əhatə edən son hesabatında qeyd olunur.
Şirkətdən bildirilir ki, üçüncü rüb ərzində” Şahdəniz Alfa” platformasının qazma qurğusu yenidən aktivləşdirilmə rejimində olub.
“Şahdəniz-2” layihəsi “İstiqlal” və “Heydər Əliyev” qurğularından istifadə edilməklə həyata keçirilən qazma proqramı çərçivəsində irəliləyib. Üçüncü rüb ərzində “İstiqlal” qurğusu cənub-qərb cinahında yerləşən SDF04 quyusunun yenidən mənimsənilməsini başa çatdırıb. “Heydər Əliyev” qurğusu isə şimal-şərq cinahında SDH04 quyusunun qazılmasını tamamlayıb və eyni cinahda SDH05 quyusunun qazılmasına başlayıb”, – bp şirkətindən qeyd edilib.
Ümumilikdə “Şahdəniz-2” layihəsi çərçivəsində 23 quyu qazılıb, o cümlədən:
şimal cinahında beş quyu,
qərb cinahında beş quyu,
cənub-şərq cinahında dörd quyu,
cənub-qərb cinahında beş quyu,
şimal-şərq cinahında dörd quyu.