2005-ci ildə ABƏŞ planlaşdırır ki, "Azəri-Çıraq-Günəşli" (AÇG) yatağının işlənib-hazırlanması layihəsi çərçivəsində neft satışından Azərbaycan tərəfinə daxilolmalar $1 mlrd. təşkil edəcək. Trend bildirir ki, dekabrın 14-də keçirilən mətbuat konfransında BP Azerbaijan şirkətinin rəhbəri Devid Vudvord bu barədə bəyan edib. Bu daxilolmalara ARDNŞ-in alıb-satdığı mənfəət nefti, müxtəlif vergilər və s. daxildir.
Onun sözlərinə görə, 2006-cı ildə neftin bareli üçün dünyada qəbul edilmiş $40 qiyməti ilə Azərbaycan tərəfinə daxilolmalar $1,45 mlrd., $50/bar.olmaqla $2,1 mlrd., $60/bar. olmaqla $2,8 mlrd.təşkil edəcək.
ARDNŞ ilə xarici şirkətlər arasında AÇG yatağının işlənib-hazırlanmasına dair müqavilə 1994-cü ildə bağlanıb. Bu yataqdan neft BTC boru kəmərində əsas ixrac xammalı olacaq. Kəmər 2006-cı ilin yazında istismara veriləcək.