İran qazının Azərbaycan ərazisi ilə Gürcüstana nəqli layihəsi həmişə nəzərə alınacaq. Bu barədə Trend ə Gürcüstanın Azərbaycandakı səfiri Zurab Qumberidze məlumat verib.
Qaz 2006-cı ilin qışında Gürcüstanda Rusiyadan qazın nəql olunduğu kəmərdə baş vermiş qəza nəticəsində yaranmış fövqəladə vəziyyətlə əlaqədar nəql olunub.
Əgər gələcəkdə belə zərurət yaranarsa və imkan olarsa, o zaman həm İran, həm də Gürcüstan bu layihəni həyata keçirməyə hazırdır. Hazırda Gürcüstanda ildə təxminən 3 mlrd m3 qaza tələbat var. Ancaq istehlakın artması ilə əlaqədar yaxın 2-3 il ərzində tələbat 3 mlrd m3-dək çoxalacaq.