Qazaxıstan tərəfi Bakı-Tbilisi-Ceyhan (BTC) boru kəməri ilə Qazaxıstan neftinin nəql olunması barpədə hökumtələrarası razılaşmanın layihəsinə bir neçə düzəlişlər göndərib. Bu barədə Trend ə Qazaxıstan mənbələrindən məlum olub.
"Biz Azərbaycana yalnız bir sıra düzəlişlər, əsasən, redaksiya xarakterli əlavələr göndərmişik. Arrelin son ongünlüyündə Bakıda bu məsələ ilə bağlı görüş keçiriləcək", - deyə mənbə bildirib.
Azərbaycanla razılaşma üzrə düzəlişlərə xüsusi dövlət komissiyası tərəfindən baxılacaq. Qazaxıstanın "Kaşağan" laiyhəsinin Aktau-Bakı marşrutu üzrə işlənməsi çərçivəsində 2010-cu ildən gec olmayaraq sutkada 500 min barel neft nəql olunacaq.
Layihə çərçivəçində Qazaxıstan ərazisində Kurık kəndinə kimi boru kəmərinin tikilməsi, sutkada 750 min barel neft buraxmaq qabiliyyəti olan terminalın tikintisi, neft daşıyan donanmanın hazırlanması nəzərdə tutulub. Xarici şirkətlər qazax neftinin Bakıya qədər daha sərfəli nəqli üçün su basımı 60 min ton olan 5 tankerin və ya hər biri 12 ton olmaqla 25 tankerin tikintisində israrlıdırlar.
