BOS Shelf Türkmənistan və Qazaxıstan üçün layihələr üzərində işə cəlb olunub və şirkətin "Kaşağan" yatağında iştirakla bağlı planları var. Bu barədə eksklüziv olaraq Trend ə BOS Shelf şirkətinin baş direktoru Riçard Maki bildirib.
"Amma bu bazarların inkişafı üçün əsas şərt bizim bazarın bu seqmentində başlıca rəqiblərimiz olan Həştərxanda Rusiya saytlarına tətbiq olunan razılaşmaya uyğun vergi sazişinə riayət olacaq" -deyə o qeyd edib.
Bundan öncə, Azərbaycanın iqtisadi inkişaf naziri Heydər Babayev Trend ə bildirib ki, nazirlik BOS Shelf üçün güzəştli şərtlərin yaradılmasına dair sənədlər paketi hazırlayıb. Bu, ona görə vacibdir ki, şirkət regionun digər ölkələrində podrat işlərinin həyata keçirilməsi zamanı Bakını öz dislokasiya yeri kimi seçə bilsin.
Söhbət vergi güzəştlərindən gedir. Bu güzəştlərin tətbiqi və şirkətin Azərbaycanda yerləşdirilməsi Bos Shelf-in işlədiyi H.Əliyev adına dərin özüllər zavodunda müəssisənin tikinti sahəsində iş yerlərini saxlamağa imkan verir. Bu şirkət "Azəri"-"Çıraq"-"Günəşli" layihəsi çərçivəsində platformaların dayaq bloklarının inşası ilə məşğul olur. Beləliklə, şirkətin Azərbaycan vətəndaşları olan əməkdaşları öz iş yerlərini saxlaya və BP-nin sifarişi ilə inşaat işləri başa çatdıqdan sonra işləri davam etdirə bilər.
Şirkətin baş direktoru qeyd edib ki, Qazaxıstan bazarı dayaq blokunun inşasını tələb etmir, çünki bu, dayaz hissədə yerləşir. "İşlənib hazırlanma üsulları ya üzmə, ya da yerüstü qurğularda nəzərdə tutulub. Biz artıq öz körpümüzün genişləndirilmiş imkanları sayəsində üzmə qurğularını təmin edirik" -deyə R.Maki bildirib.