Aprelin 13-də Bakıda BTC Co şirkətinin Direktorlar Şurasının iclası keçiriləcək. İclasda Bakı-Tbilisi-Ceyhan ixrac boru kəmərinin tikintisi layihəsinin reallaşdırılması məsələlərinin və onun reallaşdırılmasının yubanması ilə əlaqədar xərclərin artması mümkünlüyünün müzakirə olunacağı gözlənilir. Bu barədə Trend ə Dövlət Neft Fondunun rəhbəri Samir Şərifov məlumat verib.
"Əgər xərclərin artırılması ilə bağlı qərar layihənin iştirakçıları tərəfindən qəbul edilərsə, ARDNF hökumətə Azərbaycanın maliyyə payında xərclərin artamıs ilə bağlı məlumat verəcək", -deyə o bildirib. Hazırda Azərbaycan BTCC layihəsində 25% paya malikdir. Bu paydan 70% -i dövlətin, 30% -i isə Dövlət Neft Şirkətinin payına düşür. Bu il həmin məqsədlər üçün 38 mln. AZN ayrılması nəzərdə tutulub.
Boru kəmərinin Türkiyə ərazisindəki hissəsinin tikintisinin başa çatmasına görə məsuliyyəti Botas şirkəti daşıyır. Lakin bu məsələ ilə bağlı layihənin icrası üzrə layihədə bir sıra yubanmalar var ki, bu da layihənin xərclərini artıra bilər.