Trend agentliyinin məlumatına əsasən, aprelin 12-də bir barel AZERI LT CIF neftinin qiyməti $69,43təşkil edib ki, bu da əvvəlki qiymətə nisbətən $1,14 çoxdur. Azeri Light neftinin sıxlığı API üzrə 34,9 dərəcə, kükürdün həcmi isə 0,14% təşkil edir.
Qeyd edək ki, AZERI LT sortunun qiymətinin təyin olunmağa başladığı dövrdən onun maksimal qiyməti bir barel üçün $68,37 olub ki, bu da aprelin 12-də müəyyənləşdirilən qiymətdən $1,06 azdır.
Aprelin 12-də bir barel URAL (EX-NOIO) neftinin qiyməti $64,08 təşkil edib ki, bu da əvvəlki qiymətlə müqayiəsədə $1,09 çoxdur. URAL neftinin sıxlığı API üzrə 32 dərəcə, kükürdün həcmi isə 1,3% təşkil edir.
Aprelin 12-də bir barel Brent (DTD) neftinin qiyməti $69,53 təşkil edib ki, bu da əvvəlki qiymətlə müqayiəsədə $1,09 çoxdur. DTD neftinin sıxlığı API üzrə 38,3 dərəcə, kükürdün həcmi isə 0,36% təşkil edir.
AZERI LT CIF məzənnəsi, Aralıq dənizi limanlarına çatdırılma xərcləri də daxil olmaqla, Azərbaycan Beynəlxalq Əməliyyat Şirkətinin (ABƏŞ) səhmdarları tərəfindən Gürcüstanın Supsa terminalında yüklənən Azərbaycan neftinin dəyərini əks etdirir. URAL (EX-NOIO) məzənnəsi Rusiyanın Novorossiysk terminalında yola salınan neftin dəyərini əks etdirir.
