Azərbaycan Respublikası Dövlət Neft Şirkətinin prezidenti Rövnəq Abdullayev Koreya Respublikasının Azərbaycanda akkreditə olunmuş fövqəladə və səlahiyyətli səfiri Mun Hayonqun başçılığı altında ölkəmizdə səfərdə olan nümayəndə heyətini qəbul edib. Trend in xəbər verdiyi kimi, bu barədə ARDNŞ-in məlumatında deyilir.
Nümayəndə heyətinin tərkibində Koreyanın üç iri şirkətinin - neft, qaz və elektroenergetika üzrə milli korporasiyaların nümayəndələrinin təmsil olunduğunu söyləyən cənab Hayonq həmin şirkətlərin ARDNŞ-lə əməkdaşlıqda maraqlı olduğunu vurğulayıb.
Rövnəq Abdullayev neft-qaz sənayesinin müxtəlif sahələrində ARDNŞ-in Koreya şirkətləri ilə əməkdaşlığa hazır olduğunu ifadə edib.
